Uwch Ddarlithydd yn y Gyfraith
Wedi’i leoli yn bennaf ar gampws Abertawe, ond bydd yn ofynnol gweithio ar draws holl gampysau’r Brifysgol a lleoliadau eraill
£48, 822 - £58,225 y flwyddyn

- AMDANOM NI -

Mae Prifysgol Cymru Y Drindod Dewi Sant (PCYDDS) yn olrhain ei threftadaeth yn ôl i’r brifysgol gyntaf yng Nghymru, gan dderbyn ei Siarter Frenhinol yn 1828, ac mae’n fraint cael Ei Fawrhydi’r Brenin Charles III yn Noddwr Brenhinol arni.
Bellach mae PCYDDS yn addysgu dros 16,000 o fyfyrwyr ar draws ei chwe champws yn y DU; pedwar yng Nghymru a dau yn Lloegr. Mae ganddi bartneriaethau addysgol rhyngwladol hirdymor yn Ewrop, Tsieina, Malaysia, UDA a mannau eraill.
Ein nod yw trawsnewid addysg, ac felly trawsnewid bywydau’r unigolion a’r cymunedau rydym yn eu gwasanaethu. Rydym eisoes yn cael ein cydnabod am ddarparu profiad myfyrwyr eithriadol a daethom yn 1af yng Nghymru ac 2il yn y DU am Foddhad Myfyrwyr (Times Higher Education, Gorffennaf 2025)
Daw ein llwyddiant yn sgil ymrwymiad, sgiliau, gwybodaeth, a gallu ein pobl yn gweithio gyda’i gilydd. Rydym nawr yn adeiladu ar y diwylliant a darpariaeth gadarn hon i ddod yn ddarparwr blaenllaw ar gyfer addysg uwch hygyrch.

Rydym nawr yn chwilio yn bennaf am Uwch Ddarlithydd yn y Gyfraith i arwain ein tîm yn llawn amser a pharhaol gan weithio 37 awr yr wythnos.

- Y RÔL -

Bydd swydd yr Uwch Ddarlithydd yn y Gyfraith wedi’i lleoli o fewn yr Athrofa Rheolaeth ac Iechyd. Fe fyddwch o dan reolaeth llinell y Cyfarwyddwr Academaidd a bydd disgwyl i chi gymryd cyfeiriad gweithredol Rhaglen (neu Raglenni) Astudio ar lefel israddedig a / neu ôl-raddedig.
Byddwch yn ymdrin yn bennaf â dysgu ac addysgu ar lefel israddedig ac ôl-raddedig, ac yn cyfrannu at raglenni’r Gyfraith yn Ysgol Y Gyfraith Abertawe, a gaiff eu tanategu gan ffocws proffesiynol ar y Gyfraith a monitro a gwerthuso’r rhaglen(ni), gan gynnwys cynnwys arweinyddiaeth academaidd, cymorth ac arweiniad i nifer gyfyngedig o staff. Bydd disgwyl i chi reoli’r rhaglenni, cyfrannu at addysgu a dysgu sy’n gysylltiedig â’r Gyfraith, er y byddwch hefyd yn cyfrannu at bortffolio ehangach y Gyfraith a Throseddeg.
Byddwch yn addysgu mewn amrywiaeth o amgylcheddau dysgu gwahanol ac yn defnyddio amrywiaeth o arddulliau a dulliau addysgu, yn cynnwys pob lefel o astudiaeth israddedig a, lle bo hynny’n briodol, astudiaeth ôl-raddedig. Byddwch yn cynnig adborth a chymorth academaidd a bugeiliol i fyfyrwyr i’r safonau proffesiynol uchaf gyda golwg ar wella profiad myfyrwyr yn barhaus.
Gweler y Disgrifiad Swydd am fanylion pellach, lle cewch hefyd restr o’r meini prawf ‘Manyleb yr Unigolyn’ hanfodol a dymunol.

- GWYBODAETH YCHWANEGOL -
- 35 diwrnod o wyliau blynyddol y flwyddyn, ynghyd ag 8 gwyl banc a 4 diwrnod pan fo’r Brifysgol ynghau, pro rata
- I gael gwybodaeth am ein buddion staff, copïwch a gludwch y ddolen hon yn eich porwr: https://www.uwtsd.ac.uk/cy/swyddi
- Gall y rôl hon fod yn gymwys ar gyfer nawdd yn amodol ar ofynion trothwy cyflog y Swyddfa Gartref https://www.gov.uk/skilled-worker-visa/your-job (graddfa 5 ac uwch)
- Nid yw’r broses ymgeisio hon yn cynnwys yr opsiwn i gyflwyno CV. O’r herwydd, caiff eich cais ei asesu ar sail eich cais a’ch datganiad ategol.
- Byddwn yn gofyn i chi gadarnhau p’un a ydych yn gwneud cais am y rôl Darlithydd neu Uwch Ddarlithydd neu’r ddwy
Sylwer y bydd eich iaith ohebu yn cael ei phennu yn ôl yr iaith y gwnewch gais ynddi. I wneud cais yn y Gymraeg, cliciwch ‘Cymraeg’ yng nghornel dde uchaf y sgrin.

Dyddiad Cau: 20 Ebrill 2026

- Y RÔL –
Mae Canolfan S4C Yr Egin wedi ei lleoli ar gampws Prifysgol Cymru y Drindod Dewi Sant yng Nghaerfyrddin ac yn ganolfan greadigol o ansawdd gydag amgylchedd gwaith prysur. Ers agor yn 2018 mae statws Yr Egin fel adnodd gwerthfawr i Gaerfyrddin, Sir Gâr ac i Gymru wedi’i sefydlu.

Mae Y Gegin, sef y caffi a leolir ar y llawr waelod, yn ofod agored a chroesawgar ac yn rhan bwysig o fwrlwm y ganolfan, a bydd y Cogydd Arlwyo a Chynadledda yn chwarae rhan annatod o gynnal amgylchedd croesawgar y caffi er mwyn denu a chadw ymwelwyr i’r Egin. Bydd disgwyl i ddeilydd y swydd ddarparu gwasanaeth proffesiynol yng nghaffi Canolfan S4C Yr Egin, sy’n cynnwys digwyddiadau a chynadledda i’r safonau uchaf. Bydd angen i ddeiliad y swydd sicrhau bod y ddarpariaeth o ansawdd ac yn gost-effeithlon. Bydd disgwyl i'r Cogydd ddatblygu cynnig y caffi a'r ganolfan drwy ddilyn arweiniad a thueddiadau'r diwydiant bwyd gan weithio gyda Rheolwr Y Gegin a Chyfarwyddwr Yr Egin i gefnogi cyfleoedd marchnata a busnes.

Mae gan Y Gegin sylfaen eang o gwsmeriaid megis y gymuned greadigol sy’n gweithio yn y ganolfan, cynulleidfaoedd theatr a sinema, cynrychiolwyr digwyddiadau a chynadleddau, myfyrwyr a staff y Brifysgol yn ogystal â’r gymuned leol, teuluoedd ac ymwelwyr. Felly mae angen i Gogydd Arlwyo a Chynadledda Y Gegin allu cynnig bwydlen a phrofiad a fydd yn annog y cwsmer i ddychwelyd dro ar ôl tro.
Bydd y swydd yn cynnwys rhyngweithio â chwsmeriaid, a'r hyblygrwydd i gefnogi tîm y ganolfan i ddarparu gwasanaeth arlwyo effeithlon sy'n canolbwyntio ar y cwsmer ac sy'n wynebu'r blaen.
Bydd gofyn i ddeiliad y swydd fod ag agwedd hyblyg tuag at ei oriau gwaith.

Disgwylir i ddeiliad y swydd weithio’n effeithiol heb oruchwyliaeth barhaus gan gyfrannu tuag at amgylchedd cyfeillgar a chreadigol Yr Egin.

Cyfeiriwch at y disgrifiad swydd am fanylion am y meini prawf hanfodol sydd eu hangen ar gyfer y rôl hon.

- GWYBODAETH YCHWANEGOL -
- Mae 28 diwrnod o wyliau blynyddol y flwyddyn, ynghyd ag 8 gwyl banc a 4 diwrnod pan fo’r Brifysgol ar gau pro rata
- Am wybodaeth am ein buddion staff, copïwch a gludwch y ddolen hon i’ch porwr: https://www.uwtsd.ac.uk/cy/amdanom/swyddi
- Nid yw’r swydd hon yn gymwys i gael nawdd

Dyddiad cau: 10/04/2026

- Y RÔL -

Mae rôl y Prif Swyddog Datblygu Systemau (Systemau) yn Adran Datblygu Meddalwedd y Brifysgol yn cynnwys y gwaith arbenigol o ddylunio, datblygu a rheoli atebion integreiddio cadarn rhwng System Cofnodion Myfyrwyr (SRS) y Brifysgol ac amrywiol gymwysiadau mewnol ac allanol. Mae'r rôl hon yn hanfodol wrth sicrhau llif data di-dor ar draws ecosystem ddigidol y Brifysgol, gan gefnogi taith y myfyriwr yn uniongyrchol trwy gysylltedd awtomataidd a dibynadwy rhwng systemau.
Bydd yr ymgeisydd a ddewisir yn gweithredu fel arweinydd technegol wrth ddatblygu piblinellau data a rhyngwynebau system, gan ddefnyddio fframweithiau SQL, SSRS, a .NET i adeiladu saerniaethau integreiddio graddiadwy a diogel. Trwy ganolbwyntio ar uniondeb data a chyfathrebu perfformiad uchel rhwng systemau, bydd deiliad y swydd yn sicrhau bod data myfyrwyr yn cael eu cysoni, a’u bod yn gywir ac yn hygyrch lle bo angen.
Gan weithio o fewn amgylchedd Agile Scrum, bydd yr unigolyn yn cydweithio'n agos â'r tîm datblygu ehangach i ddarparu cydrannau integreiddio gweithredol mewn cylchoedd iterus. Y nod yw darparu profiad data unedig ar draws pob platfform, gan sicrhau bod mesurau diogelwch a rheoliadau diogelu data wedi cael eu hymgorffori’n ganolog ym mhob datblygiad systemau.
Cyfeiriwch at y disgrifiad swydd am fanylion y meini prawf hanfodol sydd eu hangen ar gyfer y rôl hon.

- GWYBODAETH YCHWANEGOL -
- 28 diwrnod o wyliau blynyddol y flwyddyn, ynghyd ag 8 gwyl banc a 4 diwrnod pan fo’r Brifysgol ynghau, pro rata
- I gael gwybodaeth am ein buddion staff, copïwch a gludwch y ddolen hon yn eich porwr: https://www.uwtsd.ac.uk/cy/amdanom/swyddi-gweithio-yn-y-drindod-dewi-sant
- Nid yw’r swydd hon yn gymwys ar gyfer nawdd

Dyddiad Cau: 13 Ebrill 2026
Dyddiad cyfweld: I’w gadarnhau

-Y RÔL -
Gan weithio o fewn tîm deinamig sy'n defnyddio Agile Scrum i gynllunio llwyth gwaith, mae'r Prif Swyddog Data MIS yn chwarae rhan allweddol wrth gynhyrchu data myfyrwyr a data sefydliadol arall ac adrodd arnynt. Bydd deiliad y swydd yn cydweithio'n agos â'r Gofrestrfa a’r Swyddfa Gyllid, yn ogystal ag Athrofeydd y Brifysgol a Gwasanaethau Proffesiynol eraill.

Gan adrodd i'r Swyddog Gweithredol Datblygu Systemau, bydd deiliad y swydd yn arwain ar o leiaf un maes technegol o fewn y tîm Data MIS. Byddant yn cymhwyso sgiliau cryf o ran cyfathrebu, dadansoddi a datrys problemau i nodi, cyfathrebu a datrys problemau—gan fanteisio i’r eithaf ar werth ac effaith data’r Brifysgol.

Gall dyletswyddau yn y rôl hon gynnwys:
• Cynhyrchu data ar gyfer cyrff allanol
• Creu crynodebau rheoli i gyd-fynd ag adroddiadau data i'w hadolygu gan uwch reolwyr a rhanddeiliaid eraill
• Datblygu dogfennaeth dechnegol ar gyfer archwiliadau mewnol ac allanol
• Sicrhau ansawdd, cysondeb ac uniondeb data at ddibenion mewnol ac allanol
• Darparu ac archwilio gwiriadau data ar gyfer perchnogion data
• Dadansoddi allbynnau allweddol o setiau data mawr ac asesu eu heffaith bosibl ar y Brifysgol
• Cydweithio â chydweithwyr i nodi a datrys anghysondebau data a materion ansawdd
• Gweithio gyda rhanddeiliaid i ddadansoddi gofynion a meini prawf penodol ar gyfer bodloni ceisiadau data

Cyfeiriwch at y disgrifiad swydd am fanylion y meini prawf hanfodol sydd eu hangen ar gyfer y rôl hon.
- GWYBODAETH YCHWANEGOL -
- 28 diwrnod o wyliau blynyddol y flwyddyn, ynghyd ag 8 gwyl banc a 4 diwrnod pan fo’r Brifysgol ynghau, pro rata
- I gael gwybodaeth am ein buddion staff, copïwch a gludwch y ddolen hon yn eich porwr: https://www.uwtsd.ac.uk/cy/amdanom/swyddi-gweithio-yn-y-drindod-dewi-sant
- Nid yw’r swydd hon yn gymwys ar gyfer nawdd

Dyddiad Cau: 13 Ebrill 2026
Dyddiad cyfweld: I’w gadarnhau