Cynorthwyydd Arlwyo a Chynadledda
Parhaol, Rhan-amser, 30 awr dros 7 diwrnod
Gradd 1 / £11.80 yr awr. Mae PCYDDS yn falch o fod yn Gyflogwr Cyflog Byw Achrededig. £13.45 yr awr yw cyfradd y Cyflog Byw Gwirfoddol (VLW). Byddwn yn gweithredu addasiad i'r gyfradd gyflog ar gyfer y rôl hon i'w chynyddu i £13.45 yr awr

- Y RÔL -

Mae Canolfan S4C Yr Egin wedi'i lleoli ar gampws Prifysgol Cymru Y Drindod Dewi Sant yng Nghaerfyrddin ac mae'n ganolfan greadigol o safon gydag amgylchedd gwaith prysur. Ers agor yn 2018, mae statws Yr Egin wedi'i sefydlu yn adnodd gwerthfawr i Gaerfyrddin, Sir Gaerfyrddin a Chymru.
Mae Y Gegin, y caffi sydd wedi'i leoli ar y llawr gwaelod, yn ofod agored a chroesawgar ac yn rhan bwysig o fywiogrwydd y ganolfan, a bydd y Cynorthwyydd Arlwyo a Chynadledda yn Y Gegin yn chwarae rhan bwysig wrth gynnal awyrgylch cynnes y caffi er mwyn denu a chadw ymwelwyr â'r Egin.

Bydd yn ofynnol i ddeiliad y swydd baratoi coffi a diodydd poeth arbenigol, a gweini prydau o ansawdd uchel, gan ddarparu gofal cwsmeriaid effeithiol a fydd yn ategu datblygiad Yr Egin yn ddewis gyrchfan yng Nghaerfyrddin. Mae gan Y Gegin sylfaen eang o gwsmeriaid megis y gymuned greadigol sy'n gweithio yn y ganolfan, cynulleidfaoedd digwyddiadau a chynadleddwyr yn y Brifysgol, myfyrwyr a staff, yn ogystal â'r gymuned leol, teuluoedd ac ymwelwyr, ac felly bydd angen i'r Cynorthwyydd Arlwyo a Chynadledda yn Y Gegin allu cyfathrebu'n gwrtais a chynnig profiad a fydd yn annog y cwsmer i ddychwelyd dro ar ôl tro.

Cyfeiriwch at y disgrifiad swydd am fanylion y meini prawf hanfodol sy'n ofynnol ar gyfer y rôl hon.

- Y GYMRAEG -
Mae gallu i gyfathrebu a gweithio drwy gyfrwng y Gymraeg yn ddymunol ar gyfer y swydd hon.

- GWYBODAETH YCHWANEGOL -
- 28 diwrnod o wyliau blynyddol y flwyddyn, ynghyd ag 8 gwyl banc a 4 diwrnod pan fo’r Brifysgol ynghau, pro rata
- I gael gwybodaeth am ein buddion staff, copïwch a gludwch y ddolen hon yn eich porwr: https://www.uwtsd.ac.uk/jobs
- Nid yw’r swydd hon yn gymwys ar gyfer nawdd
- Nid yw’r broses ymgeisio hon yn cynnwys yr opsiwn i gyflwyno CV. O’r herwydd, caiff eich cais ei asesu ar sail eich cais a’ch datganiad ategol.

Dyddiad cau: 25/09/2026

- Y RÔL -

Fel aelod o Dîm Technegol y We yn y Brifysgol, prif bwrpas y swydd fydd arwain datblygiad technegol a phensaernïaeth ein llwyfannau gwe sy'n seiliedig ar Drupal. Mae'r rôl yn cynnwys rheoli prosiectau datblygu’r we cymhleth, mentora datblygwyr iau, a sicrhau y darperir atebion ar y we sydd o ansawdd uchel, yn ddiogel a ac y gellir eu cynyddu. Mae'r swydd yn gofyn am gydweithrediad â rhanddeiliaid amrywiol ledled y Brifysgol i ddeall gofynion a gweithredu atebion technegol effeithiol.

Dylai deiliad y swydd ddangos sgiliau arweinyddiaeth dechnegol rhagorol, galluoedd datrys problemau cryf, a phrofiad o ddatblygu pentwr llawn. Dylent allu gweithio'n annibynnol ac yn rhan o dîm, gan ddarparu arweiniad technegol a chynnal safonau codio uchel. Mae'r gallu i gyfleu cysyniadau technegol cymhleth i randdeiliaid annhechnegol yn hanfodol.

Gall y rôl hon gael ei lleoli ar unrhyw un o'n campysau yn PCYDDS, gan gynnwys Llundain a Birmingham, a'r rôl yn gweithredu ar sail gweithio hybrid.

Cyfeiriwch at y disgrifiad swydd am fanylion y meini prawf hanfodol sy'n ofynnol ar gyfer y rôl hon.

- GWYBODAETH YCHWANEGOL -

- 28 diwrnod o wyliau blynyddol y flwyddyn, ynghyd ag 8 gwyl banc a 4 diwrnod pan fo’r Brifysgol ynghau, pro rata
- I gael gwybodaeth am ein buddion staff, copïwch a gludwch y ddolen hon yn eich porwr: https://www.uwtsd.ac.uk/jobs
- Nid yw’r swydd hon yn gymwys ar gyfer nawdd
- Am drafodaeth anffurfiol neu ragor o wybodaeth am y rôl, cysylltwch â Chris Rees yn chris.rees@uwtsd.ac.uk.
-
Dyddiad cau: 02/10/2026

- Y RÔL -

Mae Perchennog a Datblygwr Arweiniol Platfform ServiceNow yn darparu uwch arweinyddiaeth ar gyfer platfform ServiceNow y Brifysgol, gan weithredu fel ymarferydd ymarferol ac awdurdod dylunio ar ServiceNow. Mae’r rôl yn gyfrifol am sicrhau bod ServiceNow yn gweithredu fel platfform Rheoli Gwasanaethau Menter (ESM) diogel, a allai ehangu’n gyflym sy’n canolbwyntio ar y defnyddiwr ac yn tanategu gwasanaethau digidol critigol a phrosesau gweithredol ar draws y Brifysgol.
Mae deiliad y swydd yn arwain y broses o ddylunio, datblygu, ffurfweddu a gwelliant parhaus sy’n cwmpasu proses gyfan platfform ServiceNow. Mae hyn yn cynnwys trosi anghenion sefydliadol i atebion technegol cadarn, perchen ar bensaernïaeth y platfform a’r modelau data, a sicrhau bod datblygiadau yn bodloni gofynion swyddogaethol, anweithredol, diogelwch a defnyddioldeb. Mae’r rôl yn cyfuno arbenigedd technegol dwfn ag ymwybyddiaeth wasanaeth gref, gan sicrhau bod y platfform yn galluogi gwasanaethau effeithiol, effeithlon a greddfol i staff a myfyrwyr.

Gan weithredu fel uwch arweinydd technegol ServiceNow, mae’r rôl yn cyfrannu at fap trywydd y platfform ac yn cyflawni blaenoriaethau technegol y cytunwyd arnynt, gan gydbwyso blaenoriaethau gwasanaeth y cytunwyd arnynt, anghenion defnyddwyr, dyled dechnegol a chynaliadwyedd y platfform. Mae deiliad y swydd yn gyfrifol am benderfyniadau blaenoriaethu dirprwyedig, safonau technegol, ac uniondeb pensaernïol, gan sicrhau bod gwelliannau ac integreiddiadau’n cyd-fynd â phensaernïaeth menter ac arfer gorau ServiceNow.

Yn ogystal, mae’r rôl yn darparu uwch arweinyddiaeth dechnegol ar draws y Brifysgol, gan wasanaethau’n bwynt uwchgyfeirio ar gyfer materion cymhleth ServiceNow. Mae deiliad y swydd yn meithrin diwylliant o welliant parhaus, arloesi a safonau technegol uchel trwy fentora, goruchwylio tasgau a chydweithio â rhanddeiliaid, gan wneud y mwyaf o werth platfform ServiceNow fel system sefydliadol graidd.

Cyfeiriwch at y disgrifiad swydd am fanylion y meini prawf hanfodol sy'n ofynnol ar gyfer y rôl hon.

- GWYBODAETH YCHWANEGOL -

- 35 diwrnod o wyliau blynyddol y flwyddyn, ynghyd ag 8 gwyl banc a 4 diwrnod cau’r Brifysgol, pro rata
- I gael gwybodaeth am ein buddion staff, copïwch a gludwch y ddolen hon yn eich porwr: Swyddi a Gweithio yn y Drindod Dewi Sant | Prifysgol Cymru Y Drindod Dewi Sant
- Nid yw’r swydd hon yn gymwys ar gyfer nawdd

Dyddiad cau: 15 Hydref 2026 11:59pm
Dyddiad y cyfweliad: I’w gadarnhau