Tiwtor Dysgu Cymraeg ar gyfer y Gweithlu Addysg x 2

Yn seiliedig ar gampws Caerfyrddin ond dylid gallu gweithio o adref ac o leoliadau eraill, yn ôl yr angen
Gradd 6
Cyfnod Penodol am un flwyddyn

- AMDANOM NI -

Rydym yn chwilio am Tiwtor Dysgu Cymraeg ar gyfer y Gweithlu Addysg x 2 i ymuno â'r tîm yng Nghaerfyrddin.

- Y RÔL –

Mae’r Brifysgol yn dymuno penodi dau diwtor cyfwerth â 0.6 yr un i dysgu Cymraeg i’r gweithlu addysg ar bob lefel ieithyddol naill ai ar-lein neu mewn lleoliadau ac ysgolion ar draws Sir Benfro a Sir Gaerfyrddin. Ariennir y swyddi hyn gan y Ganolfan Dysgu Cymraeg Genedlaethol a bydd deiliad y swyddi yn perthyn i dîm o diwtoriaid fydd yn darparu cyrsiau i’r gweithlu addysg ar draws Cymru.

Fydd angen i chi pharatoi deunydd cwrs fel bo angen ar bob lefel ieithyddol ar gyfer y gweithlu addysg yn Sir Benfro a Sir Gaerfyrddin, trefnu ac addysgu arlwy o wahanol gyrsiau i staff sy’n gweithio mewn ysgolion Cynradd ac Uwchradd Sir Benfro a Sir Gaerfyrddin gan sicrhau bod deunydd cwrs yn cael ei gyflwyno yn unol â safon arferol Canolfan Gwasanaethau Cymraeg y Brifysgol a’r Ganolfan Dysgu Cymraeg Genedlaethol.


Darllenwch y Swydd-ddisgrifiad i gael rhagor o wybodaeth, lle cewch hefyd restr o feini prawf hanfodol a dymunol 'Manyleb y Person'.

- AMDANOCH CHI -

Er mwyn cael eich ystyried ar gyfer rôl Tiwtor Dysgu Cymraeg, bydd angen i chi feddu ar y canlynol:

• Gradd israddedig berthnasol
• Profiad o addysgu’r Gymraeg ar bob lefel
• Gallu gweithio gyda Microsoft word, PowerPoint, excel, teams a zoom
• Gallu gweithio’n annibynnol, hunangymhelliad a chadw at derfynau amser ac ymrwymiadau a gytunir
• Parodrwydd i gydweithredu a chydweithio gyda chydweithwyr
• Sgiliau cyflwyno effeithiol
• Ymagwedd sy’n canolbwyntio ar r ymarferwr
• Gallu cyfathrebu drwy gyfrwng y Gymraeg – ar lafar ac yn ysgrifenedig

Byddai hefyd o fantais i'ch cais os ydych yn meddu ar y canlynol:

• Gradd yn y Gymraeg
• Profiad o weithio yn y sector addysg Tystysgrif



- BUDDIANNAU -

- Bydd gennych hawl i 28 diwrnod o wyliau blynyddol y flwyddyn, yn ogystal ag wyth gwyl banc a phedwar diwrnod pan fydd y Brifysgol ynghau

Mae ein cyflogeion yn cael mynediad at becyn cyflog a buddiannau gwych yn gydnabyddiaeth am eu cyfraniad gwerthfawr, sy'n cynnwys:

- Cyflog ac amodau da; rydym yn gyflogwr cyflog byw achrededig ac yn cynnig cyflog cystadleuol
- Aelodaeth o gynllun pensiwn gan yr USS i ddarparu buddiannau i chi a'ch teulu
- Polisïau sy'n ystyriol o deuluoedd ac sy'n darparu ar gyfer gweithio'n hyblyg, gan gynnwys absenoldeb mamolaeth a thadolaeth ychwanegol â thâl
- Cyfleoedd o ran gyrfa a datblygiad, gan gynnwys cymorth i ennill rhagor o gymwysterau
- Cymorth ar gyfer iechyd meddwl a llesiant, gan gynnwys gwasanaethau iechyd galwedigaethol a chymorth cwnsela
- Gostyngiadau i staff ar ystod o gynhyrchion a gwasanaethau
- Cynlluniau teithio, gan gynnwys y cynllun beicio i'r gwaith

Nodwch nad yw'r broses ymgeisio hon yn cynnwys yr opsiwn i gyflwyno CV. Felly, asesir eich cais ar sail eich atebion i gwestiynau'r cais yn unig, ac yn arbennig ar sail eich Datganiad Personol.

Dyddiad cau: 16 Ebrill 2025

Gan ein bod yn recriwtio ar gyfer cronfa, bydd eich cais yn cael ei ystyried pan gaiff ei gyflwyno ac mae’n bosibl y caiff ei ystyried cyn y dyddiad cau.
Bydd y Brifysgol yn cadw’r swydd hon ar agor tan y penodir digon o oruchwylwyr i’r gronfa.

-AMDANOM NI –
Mae Prifysgol Cymru Y Drindod Dewi Sant yn sefydliad deinamig ac uchelgeisiol â champysau yn Llundain, Birmingham a Chymru. Rydym yn cynnig amrywiaeth o raglenni astudio ar lefel israddedig ac ôl-raddedig, gan gynnwys y radd Doethur mewn Gweinyddu Busnes (DBA) yn Abertawe a Doethuriaeth mewn Arfer Proffesiynol (DPROF) yn Ysgol Fusnes Caerfyrddin. Fel cymwysterau doethurol proffesiynol, mae’r rhaglenni hyn wedi’u llunio i fodloni anghenion gweithwyr proffesiynol sy’n gweithio yn y DU a thramor.
Yn ogystal â chwblhau eu modylau a addysgir, mae’r myfyrwyr yn ymgymryd â thraethawd ymchwil gan dynnu ar brosiect ymchwil ar lefel doethurol. Mae pob myfyriwr yn cael ei gefnogi gan dîm goruchwylio, o ddau fel arfer, sy’n cynnig goruchwyliaeth reolaidd. Bydd amlder y goruchwylio’n amrywio, ond cynhelir o leiaf ddeg cyfarfod goruchwylio ffurfiol, fel arfer yn fisol, gyda’r myfyriwr bob blwyddyn academaidd.
- Y RÔL -
Mae’r DPROF yng Nghaerfyrddin yn rhaglen o bell lle mae’r goruchwylio’n digwydd ar-lein. Mae disgwyl i’r tîm goruchwylio DBA yn Abertawe ddarparu cefnogaeth, arweiniad a chyngor i’r myfyrwyr wyneb yn wyneb ar y campws yn Abertawe am y rhan fwyaf o’r sesiynau goruchwylio.
Rydym yn awyddus i wneud penodiadau i gefnogi astudiaethau doethurol mewn amrywiaeth eang o bynciau yn y maes Busnes a Rheolaeth ac Arfer Proffesiynol, ar ein campysau yn Abertawe a Chaerfyrddin. Mae angen ceisiadau gan unigolion sy’n gallu cefnogi myfyrwyr sy’n astudio gyda phrosiectau ansoddol a/neu feintiol.

- GOFYNION -
Er mwyn bod yn llwyddiannus bydd angen i chi gyflawni o leiaf ddau o’r gofynion canlynol:
1. Meddu ar radd uwch drwy ymchwil ar lefel ddoethurol
2. Arddangos cymhwysedd ymchwil clir ac arbenigedd ymchwil diweddar trwy gyhoeddiadau a adolygwyd gan gymheiriaid, presenoldeb mynych mewn cynadleddau, neu incwm grantiau ymchwil yn y pum mlynedd diwethaf
3. Profiad o ymwneud â goruchwylio myfyriwr gradd ymchwil yn llwyddiannus hyd at gwblhau yn ystod y pum mlynedd diwethaf
Yn ogystal, bydd angen i chi ddangos ymrwymiad i wella’r profiad myfyrwyr gyda sgiliau rhyngbersonol a chyfathrebu rhagorol a’r gallu i ddatblygu perthnasoedd proffesiynol. Bydd angen i chi ddangos sgiliau trefnu effeithiol, gyda’r gallu i roi sylw i fanylion a chadw at ddyddiadau terfyn y myfyrwyr, a gallu gweithio ar y cyd â’r myfyriwr, y tîm goruchwylio a thîm ehangach PCYDDS.
Ar gyfer y DBA mae’n ofynnol bod yn bresennol ar y campws ar gyfer sesiynau goruchwylio er mwyn cydymffurfio â gofynion mewnfudo ar gyfer myfyrwyr rhyngwladol.
Mae gan PCYDDS gymuned fywiog o fyfyrwyr ymchwil a gefnogir trwy ei Choleg Doethurol sy’n darparu cefnogaeth, hyfforddiant a chymuned ar gyfer y staff a’r myfyrwyr.

- SUT I WNEUD CAIS -
Cliciwch y botwm ‘Gwneud Cais Nawr’ i ddechrau eich cais. Bydd pob tudalen o’ch cais yn cael ei chadw wrth i chi glicio ‘Nesaf’ neu ‘Blaenorol’.
I wneud cais a chael eich cynnwys yn y ‘gronfa’ goruchwylio, uwchlwythwch eich CV a dangoswch yn y cais sut rydych yn bodloni’r meini prawf gofynnol erbyn 11:59pm ar XX.XX.2024. Os a phryd y gwelir bod pwnc ymchwil myfyriwr a maes ymchwil goruchwyliwr yn cyfateb, byddwn yn cysylltu i drafod argaeledd.

Sylwer: Bydd eich iaith ohebu yn cael ei phennu yn ôl yr iaith y gwnewch gais ynddi.

- AMDANOM NI -

Rydym yn chwilio am Gynorthwywyr Y Gegin i ymuno â'n campws yng Nghaerfyrddin.

- Y RÔL –

Bydd gofyn i chi baratoi coffi arbenigol, diodydd poeth a gweini prydiau bwyd i safon uchel gan ddarparu gwasanaeth cwsmer effeithiol a fydd yn ategu at ddatblygiad Yr Egin fel cyrchfan yng Nghaerfyrddin. Mae gan Y Gegin syflaen eang o gwsmeriaid megis y gymuned greadigol sy’n gweithio yn y ganolfan, cynulleidfa digwyddiadau a chynadleddwyr, myfyrwyr a staff y Brifysgol yn ogystal â’r gymuned leol, teuluoedd ac ymwelwyr ac felly mae angen i chi fedru cyfathrebu’n gwrtais a chynnig profiad fydd yn annog y cwsmer i ddychwelyd dro ar ôl tro.

Darllenwch y Swydd-ddisgrifiad i gael rhagor o wybodaeth, lle cewch hefyd restr o feini prawf hanfodol a dymunol 'Manyleb y Person'.

- AMDANOCH CHI -

Er mwyn cael eich ystyried ar gyfer rôl Cynorthwy-ydd Y Gegin, bydd angen i chi feddu ar y canlynol:
- Lefel gyffredinol dda o addysg gan gynnwys sgiliau ysgrifennu a rhifiadol da
- Sgiliau gwasanaeth cwsmeriaid rhagorol.
- Profiad blaenorol o ryngweithio â chwsmeriaid mewn amgylchedd gwasanaeth sy'n wynebu'r blaen.
- Sgiliau rhyngbersonol a chyfathrebu da.
- Y gallu i ddangos sgiliau trefnu effeithiol.
- Dangos y gallu i ddeall a dilyn cyfarwyddiadau.
- Y gallu i weithio'n effeithiol fel unigolyn gan gynnwys bod heb oruchwyliaeth, fel rhan o dîm ac mewn partneriaeth ag eraill.
- Gallu a pharodrwydd i weithio'n hyblyg o ran dyletswyddau, patrymau shifftiau, lleoliadau campws ac er mwyn ymateb i anghenion busnes ar fyr rybudd.
- Y gallu i gynnal trafodaeth a ysgrifennu yn y Gymraeg am faterion annhechnegol*

*Mae croeso i chi gyfeirio at unrhyw gymhwyster sy’n profi eich gallu ieithyddol yn y Gymraeg e.e. y Dystysgrif Sgiliau Iaith, neu lefelau dysgwyr Cymraeg.
Byddai hefyd o fantais i'ch cais os ydych yn meddu ar y canlynol:

- Tystysgrif Hylendid Bwyd Sylfaenol.
- Profiad blaenorol o weithio mewn cegin / amgylchedd bwyta prysur.
- Profiad o goginio sylfaenol.
- Profiad blaenorol o weithio fel gweithredwr til.
- Profiad o gynnal safonau.
- Hyfforddiant Barista.

Nodwch nad yw'r broses ymgeisio hon yn cynnwys yr opsiwn i gyflwyno CV. Felly, asesir eich cais ar sail eich atebion i gwestiynau'r cais yn unig, ac yn arbennig ar sail eich Datganiad Personol.

Dyddiad cau: 16 Ebrill 2025

Swyddog Ymchwil i’r Farchnad
Campws Abertawe (gweithio hybrid gan deithio i leoliadau eraill yn ôl yr angen)
Graddfa 5 £29,605 - £32,982 y flwyddyn
Amser Llawn (37 awr yr wythnos), Parhaol

Amdanom Ni

Mae Prifysgol Cymru Y Drindod Dewi Sant (PCYDDS) yn olrhain ei threftadaeth yn ôl i’r brifysgol gyntaf yng Nghymru, gan dderbyn ei Siarter Frenhinol yn 1828 ac mae’n fraint cael Ei Fawrhydi’r Brenin Charles III yn Noddwr Brenhinol arni.
Bellach mae PCYDDS yn addysgu dros 16,000 o fyfyrwyr ar draws ei chwe champws yn y DU; pedwar yng Nghymru a dau yn Lloegr. Mae ganddi bartneriaethau addysgol rhyngwladol hirdymor yn Ewrop, Tsieina, Malaysia, UDA a mannau eraill.
Ein nod yw trawsnewid addysg, ac felly trawsnewid bywydau’r unigolion a’r cymunedau rydym yn eu gwasanaethu. Rydym eisoes wedi’n cydnabod am ddarparu profiad myfyrwyr rhagorol:
• 1af yng Nghymru a chydradd 3ydd yn y DU am Foddhad Myfyrwyr (Times Higher Education, Gorffennaf 2024)
• • 1af yng Nghymru am 7 pwnc ac yn y 10 Uchaf yn y DU am 3 phwnc (Guardian University League Table 2024)
Daw ein llwyddiant yn sgil ymrwymiad, sgiliau, gwybodaeth, a gallu ein pobl yn gweithio gyda’i gilydd. Rydym nawr yn adeiladu ar y diwylliant a darpariaeth gadarn hon i ddod yn ddarparwr blaenllaw ar gyfer addysg uwch hygyrch.

Y Rôl

Rydym yn chwilio am Swyddog Ymchwil i’r Farchnad llawn cymhelliant i ymuno â’r Tîm Ymchwil i’r Farchnad yn y Gyfarwyddiaeth Farchnata, wedi’i lleoli yn Abertawe.
Mae’r rôl hon yn cynnwys cynnal ymchwil i’r farchnad cynhwysfawr i nodi tueddiadau, ymddygiad cwsmeriaid, a chyfleoedd sy’n dod i’r amlwg. Byddwch yn darparu dadansoddiadau a mewnwelediadau o ansawdd uchel i gefnogi adolygiad cwricwlwm, strategaethau marchnata, a datblygiad portffolios rhaglenni.
Yn y swydd hon, byddwch yn:
- Cynllunio a darparu ymchwil i’r farchnad seiliedig ar dystiolaeth gan ddefnyddio methodoleg wreiddiol ac eilaidd.
- Dadansoddi data drwy ddefnyddio offer fel platfformau arolygon, Google Analytics, ac offer dadansoddi chwilio.
- Cynhyrchu adroddiadau a mewnwelediadau amserol sy’n sail i benderfyniadau strategol allweddol.
- Gydweithredol gyda rhanddeiliaid ar draws y Brifysgol a phartneriaid allanol.

Byddem yn arbennig o awyddus i dderbyn ceisiadau gan unigolion sydd â brwdfrydedd am ymchwil i’r farchnad a phrofiad neu gymwysterau mewn meysydd cysylltiedig fel dadansoddi data, ymddygiad defnyddwyr, neu farchnata addysg uwch.

Amdanoch Chi

Rydym yn chwilio am weithiwr proffesiynol llawn cymhelliant sydd â:
- Cymhwyster ar lefel gradd neu brofiad cyfwerth mewn rôl berthnasol.
- Profiad wrth gynllunio a chynnal ymchwil gwreiddiol (e.e. arolygon, grwpiau ffocws, cyfweliadau).
- Adnabyddiaeth fanwl o offer dadansoddeg fel Google Analytics, SEMrush, neu Ahrefs.
- Sgiliau dadansoddi ardderchog, gyda’r gallu i ddehongli a chyflwyno data yn effeithiol.
- Sgiliau TG uwch, gan gynnwys hyfedredd mewn Microsoft Excel.
- Sgiliau llafar ac ysgrifenedig cryf, gan gynnwys y gallu i esbonio mewnwelediadau i gynulleidfaoedd annhechnegol.
- Ymagwedd ragweithiol a manwl at waith.

Dymunol:
- Hyfedredd mewn rhaglennu Python neu SQL.
- Profiad o blatfformau delweddu data (e.e. PowerBI, Tableau).
- Gwybodaeth am GDPR a rheoliadau diogelu data.
- Profiad o farchnata addysg uwch neu werthuso brand.
- Bod yn gyfarwydd o’r Gymraeg (cyfarchion sylfaenol neu barodrwydd i ddysgu).

Buddion

28 diwrnod o wyliau blynyddol y flwyddyn, ynghyd ag 8 gwyl banc a 4 o ddiwrnodau cau’r Brifysgol
Caiff ein gweithwyr fanteisio ar becyn cyflog a buddion gwych mewn cydnabyddiaeth o’u cyfraniad gwerthfawr gan gynnwys:
- Cyflog cystadleuol a datblygiad cyflog
- Lwfans gwyliau blynyddol hael gan gynnwys diwrnodau cau dros y Nadolig/Flwyddyn Newydd
- Aelodaeth o gynllun pensiwn yr USS i ddarparu buddion i chi a’ch teulu
- Mynediad at blatfform buddion a llesiant, gyda dewis o fuddion sy’n addas i’ch anghenion chi, gan gynnwys cynllun aberthu cyflog ar gyfer cerbyd trydan a gwasanaethau llesiant ariannol
- Cymorth iechyd a llesiant, gan gynnwys defnyddio cyfleusterau chwaraeon ar y campws am bris gostyngol, gwasanaethau iechyd galwedigaethol a chymorth cwnsela
- Cyfleoedd gyrfa a datblygu, gan gynnwys cymorth i ennill rhagor o gymwysterau
- Polisïau sy’n gefnogol i deuluoedd, sy’n darparu gweithio hyblyg, gan gynnwys absenoldeb mamolaeth a thadolaeth ychwanegol â thâl
- Cynlluniau teithio gan gynnwys y cynllun beicio i’r gwaith.

Sut i wneud Cais

Cliciwch y botwm ‘Gwnewch Gais Nawr’ i ddechrau eich cais. Bydd pob tudalen o’ch cais yn cael ei arbed wrth glicio ‘Nesaf’ neu ‘Blaenorol’.
Sylwer nad yw’r broses ymgeisio hon yn cynnwys yr opsiwn i gyflwyno CV. O’r herwydd, caiff eich cais ei asesu ar sail eich atebion i’r cwestiynau cais yn unig ac, yn enwedig, eich Datganiad Ategol.
Os bydd gennych unrhyw gwestiynau am y rôl, cysylltwch â ni yn jobs@uwtsd.ac.uk