-Y RÔL –

Mae'r Brifysgol yn chwilio am Reolwr Cydymffurfiaeth a Chynnal a Chadw Arweiniol profiadol a brwd i ddarparu arweinyddiaeth, llywodraethu a sicrwydd ar draws gweithrediadau cydymffurfio a chynnal a chadw statudol ledled ystâd y Brifysgol.

Mae deiliad y swydd yn gyfrifol am sicrhau bod y Brifysgol yn cynnal trefniadau cydymffurfio statudol effeithiol, systemau cynnal a chadw cadarn, a fframweithiau llywodraethu technegol priodol ar draws pob campws. Bydd yr ymgeisydd llwyddiannus yn arwain swyddogaethau cydymffurfio a chynnal a chadw, gan roi sicrwydd bod risgiau statudol yn cael eu rheoli'n effeithiol a bod gwasanaethau cynnal a chadw yn cael eu darparu'n ddiogel, yn effeithlon ac yn ôl safonau y cytunwyd arnynt.

Fel Person Cyfrifol penodedig y Brifysgol ar gyfer Asbestos a Hylendid Dwr, byddwch chi'n darparu goruchwyliaeth strategol ar drefniadau cydymffurfio statudol sy'n ymwneud â diogelwch adeiladu a chydymffurfiaeth peirianneg a gofynion rheoleiddio cysylltiedig. Byddwch chi’n sicrhau bod strwythurau llywodraethu, trefniadau monitro a phrosesau sicrwydd priodol wedi’u sefydlu i gynnal cydymffurfiaeth a chefnogi rheolaeth risg effeithiol ar draws yr ystâd.

Os oes gennych chi’r cymwysterau a'r profiad angenrheidiol, gyda hanes profedig mewn uwch arweinyddiaeth cydymffurfio a chynnal a chadw ystadau, ynghyd â phrofiad o arwain timau proffesiynol yn llwyddiannus, byddem wrth ein bodd yn clywed gennych.

Ar gyfer ymholiadau anffurfiol, cysylltwch â Catrin Evans, Pennaeth Prosiectau Cyfalaf a Rheoli Cyfleusterau Caled yn c.evans@pcydds.ac.uk neu Emyr Jones, Cyfarwyddwr Ystadau yn emyr.jones@pcydds.ac.uk

-AMDANOM NI -
Mae Prifysgol Cymru Y Drindod Dewi Sant (PCYDDS) yn olrhain ei threftadaeth yn ôl i’r brifysgol gyntaf yng Nghymru, gan dderbyn ei Siarter Frenhinol yn 1828, ac mae’n fraint cael Ei Fawrhydi’r Brenin Siarl III yn Noddwr Brenhinol. Bellach mae PCYDDS yn addysgu dros 16,000 o fyfyrwyr ar draws ei chwe champws yn y DU; pedwar yng Nghymru a dau yn Lloegr. Mae ganddi bartneriaethau addysgol rhyngwladol hirdymor yn Ewrop, Tsieina, Malaysia, UDA a mannau eraill.

Ein nod yw trawsnewid addysg, ac felly trawsnewid bywydau’r unigolion a’r cymunedau rydym yn eu gwasanaethu. Rydym eisoes wedi’n cydnabod am ddarparu profiad myfyrwyr rhagorol:
• 1af yng Nghymru a chydradd 3edd yn y DU am Foddhad Myfyrwyr (Times Higher Education, July 2025)

Daw ein llwyddiant yn sgil ymrwymiad, sgiliau, gwybodaeth, a gallu ein pobl yn gweithio gyda’i gilydd. Nawr rydym yn adeiladu ar y diwylliant a’r ddarpariaeth gadarn hon i ddod yn ddarparwr blaenllaw o ran addysg uwch hygyrch.

- GWYBODAETH YCHWANEGOL -
- 35 diwrnod o wyliau blynyddol y flwyddyn, ynghyd ag 8 gwyl banc a 4 diwrnod cau’r Brifysgol pro rata
- I gael gwybodaeth am ein buddion i staff, copïwch a gludo’r ddolen hon i mewn i’ch porwr: https://www.pcydds.ac.uk/swyddi
- Nid yw'r swydd hon yn gymwys i gael nawdd
- Nid yw’r broses ymgeisio hon yn cynnwys yr opsiwn i gyflwyno CV. O’r herwydd, caiff eich cais ei asesu ar sail eich ffurflen gais a’ch datganiad ategol

Dyddiad Cau: 22/07/2026, 11:59yp